தரைவிரிப்புக்கள் ஏற்றுமதி
கைவேலைப்பாடான தரைவிரிப்புகள் தயாரிப்பதில் இந்தியா மிகவும் புகழ்பெற்றது. குறிப்பாக காஷ்மீர் தரைவிரிப்புகள் கண்ணை கவரும், மனதையும் கவரும், பர்சையும் கவரும். உள்நாட்டில் அதிகம் பெரிய பணக்காரர்களால் மட்டுமே வாங்கப்படும் இந்த வகை தரைவிரிப்புகள் வெளிநாடுகளில் வீடுகளை அலங்கரிக்க எல்லோராலும் விரும்பி வாங்கப்படுகிறது. இந்த வருடம் ஜுலை மாதம் மட்டும் சுமார் 400 கோடி ரூபாய்க்கு ஏற்றுமதி செய்யப்பட்டுள்ளது. குறிப்பாக சைனா, லத்தீன் அமெரிக்க நாடுகள் தற்போது இந்தியாவிலிருந்து வாங்குவதை கூட்டியுள்ளன. அதே சமயம் இதுவரை அதிகம் வாங்கிக் கொண்டிருந்த ஐரோப்பிய நாடுகள், அமெரிக்க போன்றவை சிறிது சுணக்கம் காட்டுகின்றன. நாடுகளே தத்தளிக்கும் போது தரைவிரிப்புகள் தேவையா? என்று நினைத்திருக்கலாம். பெரிய ஊர்களுக்கு செல்லும் போது காஷ்மீர் எம்போரியத்திற்கு ஒரு முறை சென்று பாருங்கள். அப்போது தெரியும் அதன் அழகு. தரைவிரிப்புகள் ஏற்றுமதிக்கென்றே தனியாக ஒரு ஏற்றுமதி முன்னேற்ற கழகம் இந்தியாவில் இருக்கிறது.
No comments:
Post a Comment